O’zBA huzuridagi markazda aprel oyidagi, Tasviriy san’at (turlari bo’yicha) malaka oshirish kurslari tinglovchilari yakuniy attestatsiya imtixonidan o’tdi.

O’zbekiston Badiiy akademiyasi huzuridagi badiiy ta’lim yo‘nalishlarida pedagog va mutaxassis kadrlarni qayta tayyorlash hamda ularning malakasini oshirish markazida aprel oyidagi, Tasviriy san’at (turlari bo’yicha) malaka oshirish kurslari tinglovchilari yakuniy attestatsiya imtixonidan o’tdilar.  Akmal Nuriddinov rahbarligida Fayzulla Ahmadaliyev, Sobir Rahmetov, Rustam Xudoyberganov, Davron Shukurovdan iborat komissiya a’zolari, tinglovchilar tomonidan taqdim etilgan kompozitsiyalarni baholadilar.

Taqdim etilgan asarlarni baholashda, kompozitsiya g’oyasi, rassom mahorati va texnikasi, nur-soya va ranglar qay darajada to’g’ri ishlatilgani kabi jihatlarga e’tibor qaratildi. Ustozlar malaka oshirish kurslari yanada samarali tashkil etilishi va tinglovchilar mahoratini oshirishi uchun yangi taklif, mulohazalarni bildirishdi.